Australian Open: Zańǵar Nurlanuly juptyq syndaǵy kezdesýin sátti ótkizdi

ASTANA. KAZINFORM – Qazaqstandyq, 16 jastaǵy Zańǵar Nurlanuly juptyq synda jasóspirimder arasynda Aýstralııa ashyq chempıonatynyń ekinshi aınalymyna shyqty.

Qazaqstandyq tennısshi úndistandyq, 17 jastaǵy Krısh Tıadjımen birge bastapqy kezdesýinde aýstralııalyq Krýz Hıýıtt – horvatııalyq Dýıe Markovınamen sheberlik baıqasty.

Qazaqstandyq-úndistandyq jup básekeni sátti bastady – 6:2.

Ekinshisinde aýstralııalyq-horvatııalyq dýet ese qaıyrdy – 6:1.

Sýper taı-breıkte Nurlanuly – Tıadjı jeńisti julyp aldy – 10:4.

Olardyń kelesi qarsylastary keıin anyqtalady.

Juptyq synda Ámir Omarhanov ta óner kórsetedi. Ol reseılik Tımofeı Derıpasko ekeýi jarystyń 3-raketkasy bolyp tirkelgen.

«Úlken dýlyǵa» týrnırine alǵash qatysyp jatqan Zańǵar Nurlanuly jekeleı synda da ekinshi aınalymǵa ótken edi.

Eske sala keteıik, budan buryn Aýstralııa ashyq chempıonatynda Elena Rybakınanyń tórtinshi aınalymǵa shyqqanyn jazǵan bolatynbyz.

Sondaı-aq Zańǵar Nurlanuly «Úlken dýlyǵa» týrnırinde alǵashqy jeńiske qol jetkizdi.

Sandýǵash Kenjebaeva ekinshi ret Túrkııadaǵy jarystyń chempıony atandy.

Aýstralııa chempıonatynda Ámir Omarhanov ekinshi aınalymǵa joldama aldy.