Australian Open: Zańǵar Nurlanuly «Úlken dýlyǵa» týrnırinde alǵashqy jeńisine qol jetkizdi
ASTANA. KAZINFORM - Qazaqstandyq tennısshi Zańǵar Nurlanuly jasóspirimder arasynda Aýstralııa ashyq chempıonatyn jeńispen bastady.

Jasóspirimder arasynda álemdik reıtıngide 39-orynda turǵan Z.Nurlanulynyń bul «Úlken dýlyǵa» týrnırindegi betashar kezdesýi edi.
Qazaqstandyq tennısshi alǵashqy aınalymda jasóspirimder arasynda ITF reıtıngisinde 306-orynda turǵan Aýstralııa ókili Nıkolas Beıkermen kezdesti.
Birinshi partııada Zańǵar 6:2 esebimen basym tústi.
Ekinshisinde kort ıesi ese qaıyrdy - 6:3.
Úshinshi, sheshýshi sette Zańǵar Nurlanuly jeńisti julyp aldy - 6:3.
Tartysty match 2 saǵat 7 mınýtqa sozyldy.
Z.Nurlanuly sporttyq jolynda aýstralııalyq oıynshylardan utylyp kórgen emes.
Jasóspirimder arasynda Qazaqstannan sondaı-aq Ámir Omarhanov baq synaıdy.
Eske sala keteıik, budan buryn Aýstralııa chempıonatynda Ámir Omarhanov pen Zańǵar Nurlanulynyń qarsylastary anyqtalǵanyn jazǵan bolatynbyz.