Australian Open: Zańǵar Nurlanuly alǵashqy matchynda jeńiske jetti
ASTANA. KAZINFORM – Qazaqstandyq, 17 jastaǵy Zańǵar Nurlanuly jasóspirimder arasynda Aýstralııa ashyq chempıonatyn sátti bastady.
Jasóspirimder arasynda álemdik reıtıngide 12-orynda turǵan Zańǵar munda 8-raketka bolyp tirkelgen.
Qazaqstandyq tennısshi sonymen qatar ATP reıtıngisinde 1 782-orynda keledi. Ol bastapqy kezdesýin jasóspirimder reıtıngisinde 42-satydaǵy taılandtyq Kýnanan Pantaratornmen ótkizdi.
Zańǵar qarsylasyn aıqyn basymdylyqpen utyp, 1/16 fınalǵa joldama aldy.
Jasóspirimder arasynda Aýstralııa chempıonatynda Qazaqstannan sondaı-aq Danıel Tazabekov pen Damır Jalǵasbaı baq synaıdy.
D.Tazabekov búgin shveıtsarııalyq Flınn Tomaspen oınaıdy. D.Jalǵasbaı erteń Polsha ókili Aleksandr Blashpen kortqa shyǵady.
Eske sala keteıik, budan buryn Aýstralııa ashyq chempıonatynda Aleksandr Býblıktiń tarıhı nátıjege qol jetkizgenin jazǵan edik.