Australian Open: ıÝlııa Pýtıntseva álemniń 10-raketkasyna jol berdi

ASTANA. KAZINFORM – Qazaqstannyń ekinshi, álemniń 23-raketkasy ıÝlııa Pýtıntseva Aýstralııa ashyq chempıonatynyń tórtinshi aınalymynan tys qaldy.

Qazaqstandyq tennısshi úshinshi aınalymda álemniń 10-raketkasy, reseılik Darıa Kasatkınamen betpe-bet keldi.

Qarsylastar osyǵan deıin úsh ret kezdesse, sonyń ekeýinde Kasatkına jeńgen edi. Ótken jyly Madrıdte Pýtıntseva 3:6, 6:2, 6:2 esebimen utsa, Nınboda reseılik tennısshi basym túsken edi – 6:4, 1:6, 7:6 (8:6).

Bul joly birinshi partııada Pýtıntseva 3:0 esebimen alǵa shyqqanymen, sol basymdyǵynan aıyrylyp qaldy – 3:3. Esep 5:5 bolǵan mezette Kasatkına breık jasap ketti. Sosyn setke dop bergende, esesin jibergen joq – 7:5.

Qazaqstandyq tennısshiniń sátsizdigi ekinshi sette de jalǵasty – 0:5. Kasatkına oıyndy jeńispen támamdady – 6:1.

Bir saǵat 20 mınýtqa sozylǵan báseke barysynda eıs jasamaǵan Pýtıntseva 3 breık-poınttyń ekeýin paıdalandy. Qarsylasy 1 eıs, 6 breıkpen (6 breık-poınt) kózge tústi.

Osylaısha, ıÝ.Pýtıntseva jarys jolynan shyǵyp qaldy. Degenmen ol úshin bıylǵy Aýstralııa ashyq chempıonaty birshama sátti boldy. Qazaqstandyq tennısshi qazirgi kezde WTA Live reıtıngisinde 20-orynǵa kóterilip tur.

Eske sala keteıik, budan buryn Aýstralııa ashyq chempıonatynda Ámir Omarhanov pen Zańǵar Nurlanulynyń qarsylastary anyqtalǵanyn jazǵan bolatynbyz.

Sondaı-aq Sandýǵash Kenjebaeva ekinshi ret qatarynan Túrkııadaǵy týrnırdiń fınalyna shyqty.