Australian Open: ıÝlııa Pýtıntseva úshinshi aınalymǵa ótti
NUR-SULTAN. QazAqparat – Qazaqstandyq ıÝlııa Pýtıntseva Aýstralııa ashyq chempıonatynyń úshinshi aınalymyna shyqty, dep habarlaıdy QazAqparat tilshisi.
Álemniń 28-raketkasy ıÝ.Pýtıntseva ekinshi aınalymda dúnıejúzilik reıtıngte 67-orynda turǵan belgııalyq Elıson Van Eıtvankpen sheberlik baıqasty.
Qarsylastar buǵan deıin úsh márte kezdesip, bárinde de ıÝ.Pýtıntseva jeńiske jetken bolatyn.
Birinshi partııada esep 3:3 bolǵan mezette qazaqstandyq tennısshi breık jasaı aldy. Sodan keıin setke dop bergende, qatelesken joq – 6:4.
Esesine ekinshi sette belgııalyq sportshy breıkpen alǵa shyqty – 2:0. Taǵy bir breık – 4:0. Aqyry ol sol basymdylyǵyn saqtap qaldy – 6:1.
Úshinshi, sheshýshi partııada ıÝ.Pýtıntseva breıkpen alǵa ketti – 3:1. Aqyry ol matchty taǵy bir breıkpen túıindedi – 6:2.
Tartysty báseke 1 saǵat 55 mınýtqa sozyldy.
ıÝ.Pýtıntseva úshinshi aınalymda álemniń 5-raketkasy, ýkraınalyq Elına Svıtolına nemese reıtıngte 48-satydaǵy AQSh-tyń jas juldyzy, 16 jastaǵy Korı Gaýfftyń bireýimen kortqa shyǵady.
Taǵy bir qazaqstandyq Zarına Dııas erteń álemniń 14-raketkasy, «Úlken dýlyǵa» týrnıriniń eki dúrkin jeńimpazy, ıspanııalyq Garbıne Mýgýrýsamen oınaıdy.
Eske sala keteıik, budan buryn Zarına Dııastyń úshinshi aınalymǵa shyqqanyn, Dmıtrıı Popko Italııadaǵy týrnırdi sátti bastaǵanyn jazǵan bolatynbyz.
Sondaı-aq Mıhaıl Kýkýshkın juptyq synda Aýstralııa birinshiliginiń ekinshi aınalymyna shyqty.
Elena Rybakına úshinshi aınalymǵa shyǵa almady.
Aleksandr Býblık ekinshi oıynynda jeńilip qaldy.
