Australian Open: Skatov pen Kýkýshkın jarys jolynan shyǵyp qaldy
ASTANA. QazAqparat – Qazaqstandyqtar Tımofeı Skatov pen Mıhaıl Kýkýshkın Aýstralııa ashyq chempıonaty irikteý saıystarynda jeńilis tapty, dep habarlaıdy QazAqparat tilshisi.
Álemniń 144-raketkasy T.Skatov irikteý saıystarynyń jartylaı fınalynda dúnıejúzilik reıtıngte 155-orynda turǵan chılılik Nıkolas Harrımen kezdesti.
Tartysty ótken matchta Tımofeı birinshi taımda 6:4 esebimen basym túskenimen, sol qarqynyn jalǵastyra almady – 5:7, 1:6.
Reıtıngte 195-oryndaǵy M.Kýkýshkın úsh saǵatqa jýyq ýaqytqa sozylǵan básekede álemniń 138-raketkasy, japonııalyq Iosýke Vatanýkıge 6:4, 6:7(3:7), 3:6 esebimen jol berdi.
Osylaısha, T.Skatov ta, M.Kýkýshkın de irikteý saıystarynyń fınalyna shyǵa almaı, jarys jolynan shyǵyp qaldy.
Eske sala keteıik, budan buryn qazaqstandyq tennısshilerdiń Australian Open týrnırinde óner kórsetetinin jazǵan bolatynbyz.
Sondaı-aq Elena Rybakına juptyq synda Adelaıda týrnıriniń jartylaı fınalyna ótti.
Foto: ktf.kz
