Australian Open irikteý saıysyna qatysatyn qazaqstandyq tennısshilerdiń qarsylastary anyqtaldy

Aýstralııa ashyq chempıonatynyń irikteý saıysyna qatysatyn qazaqstandyq tennısshilerdiń qarsylastary anyqtaldy, dep habarlaıdy Kazinform.

Qazaqstan tennıs federatsııasynan málim etkendeı, álemniń 188-raketkasy Beıbit Juqaev irikteý týrnıriniń alǵashqy aınalymynda dúnıejúzilik reıtıngte 510-orynda turǵan argentınalyq, 31 jastaǵy Nıkolas Kıkkermen oınaıdy.

N.Kıkker kezinde álemdik reıtıngte 78-satyǵa deıin kóterilgen.

Taǵy bir qazaqstandyq, álemniń 190-raketkasy Denıs Evseevtiń qarsylasy — reıtıngte 169-satydaǵy ýkraınalyq, 26 jastaǵy Vıtalıı Sachko.

Álemniń 222-raketkasy Tımofeı Skatov reıtıngte 154-oryndaǵy bosnııalyq, 31 jastaǵy Damır Djýmhýrdan ótýge tyrysyp kóredi.

V.Sachko men D. Djýmhýr — óz elderiniń birinshi raketkalary.

Eske sala keteıik, budan buryn Elena Rybakınanyń baıyrǵy qarsylasyn jeńip, Brısben týrnıriniń jeńimpazy atanǵanyn jazǵan bolatynbyz.

Sondaı-aq Elena Rybakına — qaıtadan álemniń úshinshi raketkasy.

Anna Danılına Jańa Zelandııadaǵy jarysta jeńimpaz boldy.