Australian Open: Rybakınany utqan amerıkalyq tennısshi jeńimpaz atandy

ASTANA. KAZINFORM — Álemniń 14-raketkasy, amerıkalyq Medıson Kız Aýstralııa ashyq chempıonatynyń jeńimpazy atandy.

Amerıkalyq tennısshi fınalda álemniń 1-raketkasy, Belarýs ókili Arına Sobolenkomen betpe-bet keldi.

Belorýssııalyq sportshy osyǵan deıin eki jyl qatarynan úzdik shyqqan edi. 

Bul joly M.Kıs tosqaýyl qoıyp, 6:3, 2:6, 7:5 esebimen jeńiske jetti.

Osylaısha, 29 jastaǵy Medıson Kız sporttyq jolynda alǵash ret «Úlken dýlyǵa» týrnırinde chempıon boldy. 

M.Kız osy jarysta tórtinshi aınalymda qazaqstandyq tennısshi Elena Rybakınany 6:3, 1:6, 6:3 esebimen utqan bolatyn.

Osy tabysy arqasynda amerıkalyq sportshy WTA Live reıtıngisinde 7-orynǵa, al E.Rybakına 7-den 5-satyǵa kóterilip tur.

Eske sala keteıik, budan buryn Sandýǵash Kenjebaevanyń úsh ret qatarynan Túrkııadaǵy týrnırde úzdik atanǵanyn jazǵan bolatynbyz.