Australian Open: Pýtıntseva tartysty kezdesýde qarsylasyna ese jiberdi
ASTANA. QazAqparat - Qazaqstannyń birinshi, álemniń 39-raketkasy ıÝlııa Pýtıntseva Aýstralııa ashyq chempıonatynyń ekinshi aınalymynda shveıtsarııalyq Belında Benchıchpen kúsh synasty, dep habarlaıdy QazAqparat tilshisi.
Dúnıejúzilik reıtıngte 49-satyda turǵan shveıtsarııalyq tennısshi oıyndy qarqyndy bastap, birinshi partııada 4:2 esebimen alǵa shyqty.
Budan keıin úsh geımdi qatarynan alǵan ıÝ.Pýtıntseva esepti 5:4-ke jetkizdi. Alaıda setke dop bergende, óz múmkindigin paıdala almady. Qarsylasyna qaraǵanda, qatelikke kóbirek boı aldyrǵan qazaqstandyq sportshy aqyry 5:7 esebimen jeńilýge májbúr boldy.
Esesine ekinshi partııada qos breık jasap, óz geımderin qur jibermegen ıÝ.Pýtıntseva 4:0 esebimen alǵa ketti. Áıtse de B.Benchıch te qarymta qaıyryp, tarazy basyn teńestirdi - 4:4. Budan keıin taǵy bir breık jasaǵan ıÝlııa partııany jeńispen aıaqtady - 6:4.
Úshinshi, sheshýshi setti qazaqstandyq tennısshi breıkpen bastaǵanymen, sol qarqynyn jalǵastyra almady. B.Benchıch 6:2 esebimen basymdyǵyn kórsetti. Matchtyń tartysty ótkeni sondaı, úsh saǵatqa jýyq ýaqytqa sozyldy. Tennısshiler kezdesý barysynda álsin-álsin kóńil-kúı aýanyna da berilip otyrdy.
B.Benchıch úshinshi aınalymda álemniń 6-raketkasy, chehııalyq Petra Kvıtovamen sheberlik baıqasady. Osylaısha Aýstralııa ashyq chempıonatynda jekeleı synda Qazaqstannan eshkim qalǵan joq.
Eske sala keteıik, budan buryn ıÝ.Pýtıntsevanyń Aýstralııa chempıonatyn jeńispen bastaǵanyn, al Z.Dııas pen M.Kýkýshkınniń alǵashqy aınalymnan asa almaǵanyn jazǵan bolatynbyz. Búgin Mıhaıl Kýkýshkın amerıkalyq Bredlı Klanmen birge juptyq synda da ońtústikafrıkalyq Raven Klasen men aýstralııalyq Maıkl Vınýstan jeńilis taýyp, jarys jolynan shyǵyp qaldy.
