Australian Open: Pýtıntseva men Dııas juptyq syndy sátti bastady
ASTANA. QazAqparat - Qazaqstandyqtar ıÝlııa Pýtıntseva men Zarına Dııas Aýstralııa ashyq chempıonatynda juptyq synda slovenııalyq Dalıla ıAkýpovıch jáne reseılik Irına Hromachevamen kezdesti, dep habarlaıdy QazAqparat tilshisi.
Qazaqstandyq jup birinshi partııada 6:3 esebimen basymdylyq kórsete bildi.
Ekinshi sette qos birdeı breık jasaı bilgen Pýtıntseva men Dııas 4:0 esebimen alǵa shyqty. Esep 5:2 bolǵan mezette olardyń qarsylastary qaıyra breıkke qol jetkizdi. Degenmen qazaqstandyq tennısshiler bul partııany da jeńispen aıaqtaı aldy - 6:4.
Báseke 1 saǵat 24 mınýtqa sozyldy.
ıÝ.Pýtıntseva men Z.Dııas ekinshi aınalymda chehııalyqtar Barbora Strytsova jáne Marketa Vondrýsovamen kezdesedi. Bir qyzyǵy, ıÝ.Pýtıntseva men B.Strytsova osy birinshilikte jekeleı synda alǵashqy aınalymda kúsh synasyp, onda qazaqstandyq sportshy jeńgen edi. Match sońyndaǵy qol alysý kezinde B.Strytsova «Qolymdy qatty qysyp, aýyrtyp jiberdi», dep, tennısshiler bir-birimen sózge kelip qalǵan bolatyn.
Taǵy bir qazaqstandyq Galına Voskoboeva rýmynııalyq Ralýka-Ioana Olarmen birge búgin juptyq synda osy jarystyń 2-raketkasy bolyp tirkelgen vengrııalyq Tımeıa Babosh pen frantsııalyq Krıstına Mladenovıchke jol berdi.
Eske sala keteıik, budan buryn ıÝ.Pýtıntsevanyń jekeleı synda Aýstralııa chempıonatynyń ekinshi aınalymynda qarsylasyna ese jibergenin jazǵan bolatynbyz.
