Australian Open: Pýtıntseva AQSh chempıonyn joldan taıdyrdy
NUR-SULTAN. QazAqparat – Qazaqstandyq, álemniń 28-raketkasy ıÝlııa Pýtıntseva Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.
Birden aıtý kerek, qazaqstandyq tennısshige qıyn qarsylas tap keldi.
Amerıkalyq Sloan Stıvens qazirgi kezde dúnıejúzilik reıtıngide 41-satyda turǵanymen, 2017 jyly US Open týrnırin utqan tanymal sportshy.
Birinshi partııa barysynda esep 4:4 bolǵan mezette S.Stıvens breık jasap ketti. Sodan keıin óz geımin jibermedi – 6:4. Al ıÝ.Pýtıntseva set barysynda breık poınttarynyń birde-bireýin paıdalana almady.
Amerıkalyq tennısshi ekinshi partııany breıkpen bastady – 1:0. Degenmen ıÝlııa da qalyspaı, tarazy basyn teńestire aldy – 2:2. Sosyn taǵy eki breık jasap, esepti 6:2-ge jetkizdi.
Úshinshi, sheshýshi sette S.Stıvens breıkpen alǵa shyqty – 2:1. ıÝ.Pýtıntseva ile-shala ese qaıyrdy – 2:2. Taǵy bir breık – 4:2. Budan keıin qarsylastar breıkpen almasty – 5:3. Qazaqstandyq tennısshi ekinshi matchbolyn múlt jibergen joq – 6:3.
Tartysty báseke 2 saǵat 10 mınýtqa sozyldy.
ıÝ.Pýtıntseva ekinshi aınalymda álemniń 67-raketkasy, belgııalyq Elıson Van Eıtvank nemese reıtıngte 237-satydaǵy frantsııalyq Klara Bıýreldiń bireýimen sheberlik baıqasady.
Eske sala keteıik, budan buryn Elena Rybakınanyń ekinshi aınalymǵa ótken edi.
