Australian Open: Nedovesov irikteý týrnıriniń fınalyna shyǵa almady
ASTANA. QazAqparat - Qazaqstandyq Aleksandr Nedovesov Aýstralııa ashyq chempıonaty irikteý týrnıriniń jartylaı fınalynda ıspanııalyq Pedro Martınespen kúsh synasty, dep habarlaıdy QazAqparat tilshisi.
Qazaqstandyq tennısshi álemdik reıtıngte 193-orynda tursa, qarsylasy 160-satyǵa jaıǵasqan-dy.
Birshama tartysty órbigen match barysynda birinshi partııany A.Nedovesov 6:4 esebimen utty.
Ekinshi set taı-breıkke deıin sozylyp, onda ıspanııalyq sportshy 7:4 esebimen basym tústi.
Úshinshi partııada P.Martınes bet qaratqan joq deýge bolady - 6:1.
Báseke 2 saǵat 24 mınýtqa sozyldy.
Osylaısha A.Nedovesov irikteý týrnıriniń fınalyna shyǵa almady. P.Martınes negizgi jarysqa joldama alý úshin amerıkalyq Krıstofer ıÝbenkspen sheberlik baıqasady.
Aýstralııa ashyq chempıonatynyń irikteý týrnırinde Qazaqstannan eshkim qalǵan joq.
Eske sala keteıik, budan buryn Nedovesovtiń irikteý jarysyn sátti bastaǵanyn, áıtse de odan keıin qos qazaqstandyq tennısshiniń jeńilip qalǵanyn, al Sıdneıde ıÝlııa Pýtıntsevanyń US Open jeńimpazyn utqanyn jazǵan bolatynbyz.
