Australian Open: Nedovesov irikteý týrnırin sátti bastady
ASTANA. QazAqparat - Qazaqstandyq tennısshi Aleksandr Nedovesov Aýstralııa ashyq chempıonatynyń irikteý týrnırin sátti bastady, dep habarlaıdy QazAqparat tilshisi.
A.Nedovesov alǵashqy matchynda Aýstrııa eliniń ókili Dennıs Novakpen kúsh synasty.
Qazaqstandyq tennısshi dúnıejúzilik reıtıngte 193-orynda tursa, D.Novak - 142-satyda.
Birinshi partııa asa tartysty órbip, onda A.Nedovesov taı-breıkte 7:3 esebimen jeńiske jetti.
Ekinshi sette qazaqstandyq sportshy qarsylasyna birde-bir geım bergen joq - 6:0. Báseke 1 saǵat 18 mınýtqa sozyldy.
A.Nedovesov irikteý saıysynyń jartylaı fınalynda ıtalııalyq Andrea Arnaboldı (178-raketka) nemese ıspanııalyq Pedro Martınestiń (160-raketka) bireýimen kezdesedi.
Eske sala keteıik, budan buryn qazaqstandyq tennısshilerdiń Aýstralııa ashyq chempıonatynyń irikteý saıysyndaǵy qarsylastary anyqtalǵanyn jazǵan bolatynbyz.
Sondaı-aq, aıta keteıik, osy kúnderi Qazaqstannyń birinshi, álemniń 44-raketkasy ıÝlııa Pýtıntseva Sıdneı týrnırin tabysty ótkizýde. Ol jarystyń shırek fınalyna shyǵý úshin álemniń 5-raketkasy, amerıkalyq Sloan Stıvenspen sheberlik baıqasady. S.Stıvens búgin asa tartysty básekede reseılik Ekaterına Aleksandrovanyń taýyn qaıtara bildi - 0:6, 7:6 (7:3), 7:6 (7:3).
