Australian Open: Maksım Batıýtenko jasóspirim týrnırin sátti bastady
NUR-SULTAN. QazAqparat – Qazaqstandyq Maksım Batıýtenko Aýstralııa ashyq chempıonatynyń jasóspirimder týrnırin sátti bastady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Temirtaý qalasynyń 16 jasar túlegi bastapqy kezdesýin ulybrıtanııalyq, 17-degi Mettıý Rankınmen ótkizdi.
Qazaqstandyq tennısshi bir saǵattan astam ýaqytqa sozylǵan matchta 6:4, 6:3 esebimen jeńiske jetti.
M.Batıýtenko ekinshi aınalymda frantsııalyq Artýr Hea nemese lıtvalyq Edas Býtvılastyń bireýimen kezdesedi.
Sondaı-aq búgin qyzdar arasynda Arýjan Saǵyndyqova jarystyń 8-raketkasy, belgııalyq Sofıa Kostýlaspen kortqa shyǵady.
Eske sala keteıik, budan buryn Aýstralııa ashyq chempıonatynda Aleksandr Nedovesovtiń juptyq synda úshinshi aınalymǵa óte almaǵanyn, qos qazaqstandyq jasóspirim tennısshiniń baq synaıtynyn, qazaqstandyq tennısshiniń Lıtvada ótken jarysta absolıýtti chempıon
atanǵanyn jazǵan bolatynbyz.
Sondaı-aq Andreı Golýbev aralas synda ekinshi aınalymǵa, Anna Danılına shırek fınalǵa shyqty.
