Australian Open: Kýkýshkın AQSh chempıonynan utylyp qaldy
NUR-SULTAN. QazAqparat – Qazaqstandyq Mıhaıl Kýkýshkın Aýstralııa ashyq chempıonatynyń ekinshi aınalymyna óte almady, dep habarlaıdy QazAqparat tilshisi.
Dúnıejúzilik reıtıngte 90-orynda turǵan qazaqstandyq tennısshi birinshi aınalymda álemniń 3-raketkasy, ótken jylǵy US Open týrnıriniń jeńimpazy, aýstrııalyq Domınık Tımmen kezdesti.
Tartysty órbigen birinshi partııa taı-breıkke deıin jetip, onda D.Tım basymdylyq kórsetti – 7:6 (7:2).
Aýstrııalyq tennısshi ekinshi sette de esesin jibermedi – 6:2. Úshinshi partııada matchty taǵy bir breıkpen túıindedi – 6:3.
Báseke 2 saǵat 40 mınýtqa sozyldy.
D.Tım ekinshi aınalymda germanııalyq Domınık Kepfer nemese bolıvııalyq Ýgo Delenniń bireýimen sheberlik baıqasady.
Eske sala keteıik, budan buryn Zarına Dııastyń Aýstralııa ashyq chempıonatyn jeńispen bastaǵanyn jazǵan bolatynbyz.
