Australian Open: Qos qazaqstandyq tennısshi irikteý saıysynda jeńilip qaldy
ASTANA . QazAqparat - Aýstralııa ashyq chempıonatynyń irikteý týrnırinde búgin qos qazaqstandyq tennısshi kortqa shyqty, dep habarlaıdy QazAqparat tilshisi.
Aldymen erler arasynda álemniń 165-raketkasy Aleksandr Býblık baq synady.
A.Býblık dúnıejúzilik reıtıngte 208-orynda turǵan Aýstrııa eliniń ókili ıÝrıı Rodıonovpen kúsh synasyp, tartysty matchta 5:7, 6:3, 3:6 esebimen ese jiberdi.
Báseke 1 saǵat 50 mınýtqa sozyldy. Osylaısha, 21 jastaǵy A.Býblık irikteý týrnıriniń jartylaı fınalyna shyǵa almady.
Áıelder arasynda Elena Rybakına (186-raketka) ózinen reıtıngte birshama joǵary turǵan qytaılyq Chjý Lınmen (118-raketka) sheberlik baıqasty.
Birinshi sette qytaılyq sportshy onsha qınalmaı jeńiske jetti - 6:2. Ekinshi partııada qazaqstandyq sporshy 2:0 esebimen alǵa shyqqanymen, sol basymdylyǵyn saqtaı almady. Aqyry 4:6 esebimen utylyp qaldy. Bul match 1 saǵat 3 mınýtqa sozyldy.
Sóıtip E.Rybakına da ózine artqan senimdi aqtaı almaı, jarys jolynan erte shyǵyp qaldy.
Eske salaıyq, budan buryn qazaqstandyq Aleksandr Nedovesov irikteý týrnırin sátti bastaǵanyn jazǵan bolatynbyz.
Sondaı-aq aıta keteıik, búgin áıelder arasynda ıÝlııa Pýtıntseva Sıdneı týrnırinde álemniń 5-raketkasy, amerıkalyq Sloan Stıvenspen kortqa shyǵady.
