Australian Open: Qazaqstandyq úsh tennısshi irikteý saıystarynyń fınalyna shyqty
NUR-SULTAN. QazAqparat – Qazaqstandyq úsh tennısshi Aýstralııa ashyq chempıonaty irikteý saıystarynyń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Tımofeı Skatov irikteý saıystarynyń jartylaı fınalynda aýstralııalyq Deın Sýınıdi 6:4, 6:2 esebimen tize búktirdi.
Báseke 1 saǵat 40 mınýtqa sozyldy.
Mıhaıl Kýkýshkın 1 saǵat 46 mınýtqa sozylǵan tartysty matchta nıderlandylyq Robın Haseni 7:5, 7:6 (7:2) esebimen utty.
Taǵy bir qazaqstandyq Dmıtrıı Popko 1 saǵat 23 mınýttyq kezdesýde aýstralııalyq Fılıp Sekýlıchten aılasyn asyrdy – 6:4, 6:2.
Endi qazaqstandyqtar irikteý saıystarynyń fınalynda qarsylastaryn utsa, negizgi týrnırge ótedi. M.Kýkýshkın amerıkalyq Ernesto Eskobedomen, T.Skatov portýgalııalyq Gashtaý Elıashpen, D.Popko chehııalyq Irjı Lehechkamen kortqa shyǵady.
Eske sala keteıik, budan buryn qazaqstandyq qos jasóspirim tennısshiniń alǵash ret Aýstralııa ashyq chempıonatynda oınaıtynyn, Zańǵar Nurlanuly Eýropa tennısi «Masters» reıtınginde kósh bastap keletinin jazǵan bolatynbyz.
Sondaı-aq Elena Rybakına US Open chempıonyn utty.
