Australian Open: Qazaqstandyq tóreshiler alǵash ret jasóspirimder týrnıriniń fınalynda qazylyq etti
NUR-SULTAN. QazAqparat - Qazaqstandyq tóreshiler alǵash ret Aýstralııa ashyq chempıonaty jasóspirimder týrnıriniń fınalynda qazylyq etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Merýert Kaýkeeva men ıÝlııa Ignatchenko óz jumystaryn jaqsy atqaryp shyqty.
M.Kaýkeeva qyzdar arasynda juptyq syndaǵy sońǵy básekege tórelik etti. Al ıÝ.Ignatchenko bozbalalar arasyndaǵy jekeleı synda qazylyq jasady.
2020 jyly Merýert pen ıÝlııa áıelder arasynda eń talantty tóreshiler qatarynda WTA komandasyna qosyldy. Ótken jyly Tokıo Olımpıadasyna, sondaı-aq Aýstralııa ashyq chempıonaty, Rolan Garros jáne Ýımbldon syndy úsh «Úlken dýlyǵa» týrnırine tóreshi retinde qatysty.
Eske sala keteıik, budan buryn Anna Danılınanyń Aýstralııa ashyq chempıonatynyń fınalynda jeńilip qalǵanyn , Rafael Nadaldyń «Úlken dýlyǵa» týrnırin 21-ret utyp, rekord jasaǵanyn jazǵan bolatynbyz.
Sondaı-aq, Anna Danılına juptyq synda reıtıngide 25-orynǵa kóterildi.
