Australian Open: Erler arasynda ekinshi fınalıst belgili boldy

ASTANA. KAZINFORM - Búgin Aýstralııa ashyq chempıonatynda álemniń 3-raketkasy, reseılik tennısshi Danııl Medvedev pen reıtıngide 6-orynda turǵan germanııalyq Aleksandr Zverev fınalǵa joldamany sarapqa saldy. 

Alǵashqy eki partııada germanııalyq tennısshi 7:5, 6:3 esebimen basym tústi. Alaıda Medvedev úshinshi, tórtinshi, besinshi partııada jeńiske jetip, fınaldyq kezeńge ótti - 7:6 (7:4), 7:6 (7:5), 6:3. 

4 saǵat 20 mınýtqa sozylǵan tartysty kezdesýde Danııl 14 eıs jasap, 14 breık-poınttyń tórteýin múlt jibermedi. Al Aleksandrdyń enshisinde 14 eıs, 5 breık (10 breık-poınt) bar.

D. Medvedev jeksenbi kúni chempıondyq ataq úshin ıtalııalyq tennısshi ıAnnık Sınnermen kortqa shyǵady. 

Eske sala keteıik, budan buryn qazaqstandyq Eva Koryshevanyń Aýstralııadaǵy jarystyń fınalısi atanǵanyn jazǵan bolatynbyz. Sondaı-aq Aýstralııa ashyq chempıonatynda Novak Djokovıch fınaldan tys qaldy.