Australian Open: Beıbit Juqaev jarys jolynan shyǵyp qaldy

Qazaqstandyq tennısshi, álemniń 188-raketkasy Beıbit Juqaev Aýstralııa ashyq chempıonatynyń irikteý týrnırinde jeńilip qaldy, dep habarlaıdy Kazinform.

Qazaqstandyq tennısshi irikteý saıystarynyń jartylaı fınalynda álemniń 99-raketkasy, frantsııalyq Ýgo Gastonmen sheberlik baıqasty. Birinshi partııa taı-breıkke deıin sozylyp, onda frantsııalyq sportshy sátti oınady – 7:6 (7:3). 

Ekinshi sette esep 2:1 bolyp turǵan kezde Gaston breık jasap, oıyndy óz qolyna ala bildi. Al, 5:3 kezinde frantsııalyq tennısshi dopty oıynǵa qosqanda Beıbit tórt birdeı breık-poıntty paıdalana almady. Osylaısha bul sette de 3:6 esebimen qarsylasyna jol berdi. 

1.30 saǵatqa sozylǵan kezdesýde Juqaev 8 eıs jasap, 5 breık-poınttyń bireýin ǵana paıdalandy. Qarsylasy 2 eıs, 2 breıkpen (4 breık-poınt) kózge tústi. 

Osylaısha, irikteý synyna qatysqan Tımofeı Skatov, Denıs Evseevpten keıin Beıbit Juqaev ta jarys jolynan shyǵyp qaldy. Endi erler arasyndaǵy negizgi týrnırde Qazaqstannan Aleksandr Býblık pen juptyq synda Aleksandr Nedovesov baq synaıdy.

Eske sala keteıik, budan buryn Aýstralııa ashyq chempıonatynda Elena Rybakınanyń alǵashqy qarsylasy anyqtalǵanyn jazǵan bolatynbyz. Sondaı-aq Aleksandr Nedovesov Aýstralııadaǵy jarystyń jartylaı fınalyna ótkenin habarladyq.