Australian Open: áıelder arasynda Lı Na chempıon atandy
ORAL. 25 qańtar. QazAqparat - Búgin áıelder arasynda Avstralııa ashyq chempıonatynyń fınaldyq básekesi márege jetti.
Sońǵy synda álemniń tórtinshi raketkasy, qytaı qyzy Lı Na slovakııalyq Domınıka Tsıbýlkovadan eki partııada basym tústi. Tartysty ótken birinshi partııa 7:6 esebimen aıaqtalsa, ekinshisinde Lı Na birde-bir geımdi bergen joq (6:0). Sóıtip qytaı tennısshisi alǵash ret Avstralııa birinshiliginiń jeńimpazy atandy. Buǵan deıin ol 2011 jáne 2013 jyldary eki ret fınalǵa deıin jetken bolatyn. Budan buryn Lı Na 2011 jyly Rolan Garrosty utyp alǵan edi. Ol - qytaı qyzdary arasynda osyndaı tabystarǵa qol jetkizgen tuńǵysh tennısshi.
