Australian Open: Anna Danılına jeńisti joldy jalǵastyrdy

ASTANA. KAZINFORM — Qazaqstannyń juptyq syndaǵy birinshi, álemniń 14-raketkasy Anna Danılına Aýstralııa ashyq chempıonatynyń ekinshi aınalymyna shyqty.

Jarystyń 7-raketkasy bolyp tirkelgen qazaqstandyq tennısshi serbııalyq Aleksandra Krýnıchpen birge bastapqy kezdesýin reseılik Elena Prıdankına — amerıkalyq Kýınn Glısonmen ótkizdi.

Birinshi partııada qazaqstandyq-serbııalyq jup 7:5 esebimen basymdylyq tanytty. Ekinshisinde reseılik-amerıkalyq dýet ese qaıyrdy — 6:4.

Úshinshi sette Danılına — Krýnıch bet qaratpady — 6:0.

Eki saǵat 21 mınýtqa sozylǵan tartysty básekede Danılına — Krýnıch 2 eıspen birge 9 breık-poınttyń jeteýin múltiksiz paıdalandy. Prıdankına — Glıson 11 breık-poınttyń tórteýin júzege asyrdy.

Anna Danılına — Aleksandra Krýnıch úshinshi aınalymǵa shyǵý úshin aýstralııalyqtar Darıa Kasatkına — Arına Rodıonovamen talasady.

Aýstralııa birinshiliginde jekeleı synda Qazaqstannan Elena Rybakına, ıÝlııa Pýtıntseva jáne Aleksandr Býblık jarys jolyn jalǵastyryp jatyr. A.Danılına amerıkalyq Djeıms Treısımen birge mıkste de synǵa túsedi.

Budan buryn Aýstralııa ashyq chempıonatynda Aleksandr Býblıktiń úshinshi aınalymǵa shyqqanyn jazǵan edik.

Sondaı-aq Mıhaıl Kýkýshkın Portýgalııadaǵy jarystyń shırek fınalyna joldama aldy.