Australian Open: Anna Danılına jarys jolynan shyǵyp qaldy
ASTANA. QazAqparat – Qazaqstannyń juptyq syndaǵy birinshi, álemniń 14-raketkasy Anna Danılına Aýstralııa ashyq chempıonatynyń úshinshi aınalymyna shyǵa almady, dep habarlaıdy QazAqparat tilshisi.
«Úlken dýlyǵa» týrnıriniń 8-raketkasy bolyp tirkelgen A.Danılına men úndistandyq Sanıa Mırza ekinshi aınalymda ýkraınalyq Angelına Kalınına – belgııalyq Alıson Van Eıtvankpen sheberlik baıqasty.
Birinshi partııada ýkraınalyq-belgııalyq jup 6:4 esebimen basymdylyq tanytty.
Ekinshi sette A.Danılına men S.Mırza dál sondaı eseppen ese qaıyrdy. Alaıda úshinshi, sheshýshi partııada jeńilis tapty – 2:6.
Eki saǵatqa sozylǵan tartysty básekede qazaqstandyq-úndistandyq dýet 1 eıs jasap, 11 breık-poınttyń úsheýin ǵana paıdalandy. Qarsylastary 2 eıs, 5 breıkpen (11 breık-poınt) kózge tústi.
A.Danılına keshe Aleksandr Nedovesovpen birge mıkste de utylyp qalǵan bolatyn.
Osylaısha, Aýstralııa ashyq birinshiliginde Qazaqstannan Elena Rybakına ǵana jekeleı jáne juptyq synda jarysty jalǵastyrýda.
Eske sala keteıik, budan buryn Aýstralııa chempıonatynda Elena Rybakınanyń álemniń 1-raketkasyn utyp, shırek fınalǵa shyqqanyn jazǵan edik.
Sondaı-aq Elena Rybakınanyń kelesi qarsylasy anyqtaldy.
Foto: ktf.kz