Australian Open: Anna Danılına fınalda ese jiberdi

ASTANA. KAZINFORM – Qazaqstandyq tennısshi Anna Danılına juptyq synda Aýstralııa ashyq chempıonatynyń fınalynda óner kórsetti.

Anna Danılına serbııalyq Aleksandra Krýnıchpen birge chempıonattyń jetinshi raketkasy bolsa, qarsylastary, belgııalyq Elıze Mertens – qytaılyq Chjan Shýaı tórtinshi jup retinde tirkelgen edi.

Qazaqstandyq-serbııalyq jup matchty qarqyndy bastady – 3:0, 4:1. Alaıda tájirıbeli belgııalyq-qytaılyq dýet tarazy basyn teńestirdi – 4:4. Sosyn taı-breıkte sátti oınaı bildi – 7:6 (7:4).

Ekinshi sette Mertens – Shýaı 5:0 esebimen alǵa ketti. Budan keıin Danılına – Krýnıch esepti 4:5-ke deıin qysqartqanymen, odan árige shamasy jetpedi – 4:6.

Bir saǵat 49 mınýtqa sozylǵan básekede Danılına – Krýnıch 7 breık-poınttyń beseýin paıdalandy. Mertens – Shýaı 2 eıs, 6 breıkpen (11 breık-poınt) erekshelendi. Osylaısha, qazaqstandyq tennısshi óziniń sporttyq jolynda Aýstralııa ashyq chempıonatynyń fınalynda ekinshi ret jeńilip qaldy.

Budan tórt jyl buryn A.Danılına brazılııalyq Beatrıs Haddad Maııamen birge fınalda jeńilip qalǵan edi. Degenmen A.Danılınanyń fınalǵa deıin jetýin úlken tabys dep baǵalaýǵa bolady. Ol 325 788 dollarǵa qosa 1 300 reıtıngilik upaıǵa ıe boldy.

Búgin jekeleı synda Elena Rybakına álemniń 1-raketkasy, Belarýs ókili Arına Sobolenkomen chempıondyq ataqqa talasady. Bul kezdesý Qazaqstan ýaqytymen saǵat 13.30-ǵa belgilengen.

Eske sala keteıik, budan buryn Zańǵar Nurlanulynyń Aýstralııa chempıonatynda alǵash ret jartylaı fınalǵa shyqqanyn jazǵan edik.

Novak Djokovıch Aýstralııa chempıonatynyń eń jasy úlken fınalısi atandy.