Australian Open: Ámir Omarhanov úshinshi aınalymǵa joldama aldy

ASTANA. KAZINFORM – Qazaqstandyq tennısshi, 17 jastaǵy Ámir Omarhanov jasóspirimder arasynda Aýstralııa ashyq chempıonatynyń úshinshi aınalymyna shyqty.

Jasóspirimder arasynda álemniń 4-raketkasy Á. Omarhanov ekinshi aınalymda aýstralııalyq ıÝmeralı Ibraımıdiń mysyn basty.

Qazaqstandyq tennısshi birinshi partııada 6:4 esebimen basym tústi. Ámir ekinshi sette esep 5:2 bolǵan mezette matchqa dop bergenimen, sol múmkindigin múlt jiberdi. Degenmen oıyndy taǵy bir breıkpen támamdady – 6:3. 

Báseke 1 saǵat 35 mınýtqa sozyldy.

Jarystyń 2-raketkasy bolyp tirkelgen Omarhanov shırek fınalǵa shyǵý úshin shvetsııalyq tennısshi, 17 jastaǵy Vıllıam Rejhtman Vıntsıgarramen talasady. 

Eske sala keteıik, budan buryn Aýstralııa ashyq chempıonatynda Elena Rybakınanyń shırek fınaldan tys qalǵanyn jazǵan edik.