Australian Open: Ámir Omarhanov shırek fınalǵa sál jetpeı toqtady

ASTANA. KAZINFORM – Qazaqstandyq tennısshi, 17 jastaǵy Ámir Omarhanov jasóspirimder arasynda Aýstralııa ashyq chempıonatynyń shırek fınalynan tys qaldy.

Jasóspirimder arasynda álemniń 4-raketkasy Á.Omarhanov ATP reıtıngisinde 1040-orynda turǵan-dy. 

Onyń úshinshi aınalymdaǵy qarsylasy jasóspirimder arasynda 18-inshi, sondaı-aq ATP reıtıngisinde 1473-satydaǵy shvetsııalyq Vıllııam Rıhtman edi.

Match tartysty órbip, birinshi partııada qazaqstandyq tennısshi 6:4 esebimen basymdylyq tanytty. 

Ekinshisinde shvetsııalyq sportshy ese qaıyrdy – 6:4.

Úshinshi, sheshýshi sette taı-breıkte Rıhtmannyń joly boldy – 7:6 (10:6).

Oıyn eki saǵat 34 mınýtqa sozyldy.

Osylaısha, Aýstralııa ashyq chempıonatynda Qazaqstannan eshkim qalmady.
Á.Omarhanov ótken jyly shırek fınalǵa deıin jetken edi.

Eske sala keteıik, budan buryn Beıbit Juqaev pen Denıs Evseevtiń Portýgalııadaǵy jarystyń irikteý saıysyn sátti ótkizgenin jazǵan bolatynbyz.

Mıhaıl Kýkýshkın Frantsııadaǵy týrnırde qarsylasyn kambekpen utty.