Australian Open: Aleksandr Býblık jarys jolynan shyǵyp qaldy

ASTANA. KAZINFORM – Qazaqstannyń erler arasynda birinshi, álemniń 37-raketkasy Aleksandr Býblık Aýstralııa ashyq chempıonatynyń ekinshi aınalymynan tys qaldy.

Qazaqstandyq tennısshi bastapqy kezdesýin álemniń 31-raketkasy, argentınalyq Frantsısko Serýndolomen ótkizdi.

A.Býblık 6:7 (1:7), 3:6, 2:6 esebimen jeńilis tapty. 

Bir saǵat 49 mınýtqa sozylǵan báseke barysynda Býblık 10 eıs jasap, 3 breık-poınttyń ekeýin paıdalandy. Serýndolo 6 eıs, 5 breıkpen (13 breık-poınt) erekshelendi. 

Osylaısha, A.Býblıktiń jarystardaǵy sátsizdigi jalǵasýda. Onyń sońǵy jeńisi 2024 jylǵy 28 qazanda Parıjde tirkelgen.

Aýstralııa ashyq chempıonatynda erlerden jekeleı synda Qazaqstannan eshkim qalmady.

A.Býblık osy «Úlken dýlyǵa» týrnırinde ótken jyly da alǵashqy aınalymnan asa almaǵan edi. 

A.Býblık endi taǵy bir qazaqstandyq Aleksandr Shevchenkomen birge juptyq synda óner kórsetedi. 

Eske sala keteıik, budan buryn Aýstralııa chempıonatynda Aleksandr Shevchenkonyń álemniń 3-raketkasyna jol bergenin jazǵan bolatynbyz.