Australian Open: 22 jastaǵy ıtalııalyq tennısshi jeńimpaz atandy

MELЬBÝRN. KAZINFORM — Aýstralııa ashyq chempıonatynda erler arasynda jekeleı synda jeńimpaz anyqtaldy.

Sońǵy básekede kortqa álemniń 3-raketkasy, reseılik Danııl Medvedev pen reıtıngide odan bir saty tómen turǵan ıtalııalyq ıAnnık Sınner kortqa shyqty.

Buǵan reseılik sportshy «Úlken dýlyǵa» týrnırinde bes ret fınalǵa shyqsa, sonyń bireýinde, 2021 jyly AQSh ashyq chempıonatynda úzdik shyqqan edi.

Al 22 jastaǵy ıA.Sınnerdiń alǵashqy fınaly bolatyn.

Bastapqy eki sette reseılik tennısshi 6:3, 6:3 esebimen basym tústi.

Degenmen budan keıin ıtalııalyq sportshy kúsh alyp ketti — 6:4, 6:4, 6:3.

Úsh saǵat 45 mınýtqa sozylǵan tartysty báseke barysynda ıAnnık Sınner 14 eıs jasap, 9 breık-poınttyń tórteýin paıdalana bildi.

Danııl Medvedev 11 eıs, 4 breıkpen (12 breık-poınt) kózge tústi.

Osylaısha ıA.Sınner Aýstralııa chempıonatynda alǵash ret chempıon atandy.

Eske sala keteıik, budan buryn Aýstralııa chempıonatynda Belarýs tennısshisi ekinshi jyl qatarynan chempıon atanǵanyn jazǵan bolatynbyz.

Sondaı-aq Reseı tennısshisi Aleksandr Shevchenko Qazaqstan atynan óner kórsetedi.