Australian Open – 2024: Býblık pen Nedovesovtiń juptyq synda kimmen birge oınaıtyny anyqtaldy

Aýstralııa ashyq chempıonatynda qazaqstandyqtar Aleksandr Býblık pen Aleksandr Nedovesovtiń juptyq synda kimmen birge oınaıtyny anyqtaldy, dep habarlaıdy Kazinform.

Qazaqstan tennıs federatsııasynan málim etkenindeı, jańa jyldyń alǵashqy «Úlken dýlyǵa» týrnırinde A.Býblık reseılik Aslan Karatsevpen juptasyp kortqa shyǵady.

Taǵy bir qazaqstandyq Aleksandr Nedovesov syralǵy seriktesi, ekvadorlyq Gonsalo Eskobarmen birge baq synamaq.

Aýstralııa ashyq birinshiligi 16-27 qańtar aralyǵynda ótedi.

Negizgi týrnırde Qazaqstannan Elena Rybakına, Aleksandr Býblık, ıÝlııa Pýtıntseva, Anna Danılına (juptyq syn, mıkst) jáne Aleksandr Nedovesov (juptyq báseke) óner kórsetedi.
Oǵan qosa Beıbit Juqaev, Denıs Evseev jáne Tımofeı Skatov irikteý syndarynan ótýge tyrysyp kóredi.

Eske sala keteıik, budan buryn Jibek Qulambaevanyń Úndistandaǵy jarysty sátti bastaǵanyn jazǵan edik.

Jibek Qulambaeva búgin Mýmbaı týrnırinde japonııalyq Sakı Imamýradan 2:6, 1:6 esebimen utylyp, shırek fınalǵa óte almady.