Australian Open-2023: ıÝlııa Pýtıntseva úshinshi aınalymǵa shyǵa almady
ASTANA. QazAqparat – Qazaqstandyq, álemniń 47-raketkasy ıÝlııa Pýtıntseva Aýstralııa ashyq chempıonatynyń úshinshi aınalymyna shyǵa almady, dep habarlaıdy QazAqparat tilshisi.
Qazaqstandyq sportshy ekinshi aınalymda álemniń 31-raketkasy, chehııalyq Karolına Plıshkovamen sheberlik baıqasty.
Birinshi partııada K.Plıshkova Pýtıntsevaǵa birde-bir geım bergen joq – 6:0.
Ekinshi sette chehııalyq tennısshi 2:0 esebimen alǵa shyqty. ıÝlııa tarazy basyn teńestirip qana qoımaı, esepti 4:3-ke jetkizdi. Áıtse de ózi dop bergende, sol múmkindigin paıdalana almady. Aqyry Plıshkova matchty taǵy bir breıkpen bitirdi – 7:5.
Bir saǵat 16 mınýtqa sozylǵan báseke barysynda Pýtıntseva 4 breık-poınttyń teń jartysyn paıdalandy. Qarsylasy 8 eıs, 6 breıkpen kózge tústi.
Osylaısha, Aýstralııa ashyq birinshiliginde jekeleı synda Qazaqstannan Elena Rybakına ǵana qaldy.
Ótken jyly osy «Úlken dýlyǵa» týrnırinde ıÝ.Pýtıntseva alǵashqy aınalymnan asa almaǵan edi.
Eske sala keteıik, budan buryn Aýstralııa chempıonatynda Elena Rybakınanyń úshinshi aınalymǵa shyqqanyn jazǵan edik.
Sondaı-aq qazaqstandyq tennısshiler ekinshi aınalymǵa ótti.
Foto – Qazaqstan tennıs federatsııasy.
