Australian Open-2023: Mıhaıl Kýkýshkın irikteý saıysynyń jartylaı fınalyna shyqty
ASTANA. QazAqparat – Qazaqstandyq Mıhaıl Kýkýshkın Aýstralııa ashyq chempıonatynyń irikteý saıystaryn sátti bastady, dep habarlaıdy QazAqparat tilshisi.
Dúnıejúzilik reıtıngte 195-orynda turǵan qazaqstandyq tennısshi álemniń 157-raketkasy, aýstralııalyq Djeıms Dakvortpen sheberlik baıqasty.
M.Kýkýshkın birinshi partııada 7:5 esebimen basym tússe, ekinshisinde de óz múmkindigin múlt jibergen joq – 6:4.
Bir saǵat 45 mınýtqa sozylǵan báseke barysynda qazaqstandyq sportshy 5 eıs jasap, 7 breık-poınttyń úsheýin paıdalandy. Qarsylasy 9 eıs, 1 breıkpen (7 breık-poınt) erekshelendi.
M.Kýkýshkın irikteý saıystarynyń fınalyna shyǵý úshin álemniń 138-raketkasy, japonııalyq Esýke Vatanýkımen talasady.
Eske sala keteıik, budan buryn ıÝlııa Pýtıntseva Aýstralııadaǵy týrnırdi sátti bastaǵanyn jazǵan bolatynbyz.
Sondaı-aq ıÝlııa Pýtıntseva Aýstralııadaǵy týrnırdi sátti bastady.
Elena Rybakına juptyq synda Adelaıda týrnıriniń shırek fınalyna shyqty.
Foto: ktf.kz
