Australian Open-2023: Qazaqstandyq tennısshiler juptyq syndaǵy básekelerdi sátti bastady
ASTANA. QazAqparat – Qazaqstandyqtar Elena Rybakına men Anna Danılına juptyq synda Aýstralııa ashyq chempıonatyn sátti bastady, dep habarlaıdy QazAqparat tilshisi.
E.Rybakına reseılik Anastasııa Pavlıýchenkovamen birge alǵashqy aınalymda jarystyń 5-raketkalary, ýkraınalyq Lıýdmıla Kıchenok – latvııalyq Elena Ostapenkomen kezdesti.
Qazaqstandyq-reseılik jup 6:4, 6:4 esebimen jeńiske jetti.
Saǵat jarymǵa jýyq ýaqytqa sozylǵan básekede Rybakına men Pavlıýchenkova 6 eıs jasap, 7 breık-poınttyń tórteýin paıdalandy.
Týrnırdiń 8-raketkalary A.Danılına men úndistandyq Sanıa Mırza bastapqy kezdesýin majarstandyq Dalma Galfı – amerıkalyq Bernarda Peramen ótkizdi.
Qazaqstandyq-úndistandyq dýet 1 saǵat 15 mınýtqa sozylǵan matchta qarsylastaryn 6:2, 7:5 esebimen utty. Olar 1 eıs jasap, 10 breık-poınttyń teń jartysyn múlt jibergen joq.
E.Rybakına men A.Pavlıýchenkova ekinshi aınalymda taıbeılik Latısha Chan – chılılik Aleksa Gýarachımen, al A.Danılına men S.Mırza ýkraınalyq Angelına Kalınına – belgııalyq Elıson Van Eıtvankpen sheberlik baıqasady.
Eske sala keteıik, budan buryn Aýstralııa chempıonatynda Elena Rybakınanyń úshinshi aınalymǵa shyqqanyn jazǵan edik.
Sondaı-aq qazaqstandyq tennısshiler ekinshi aınalymǵa ótti.
ıÝlııa Pýtıntseva úshinshi aınalymǵa shyǵa almady.
Photo: ktf.kz
