Australian Open-2023: Qazaqstandyq tennısshiler ekinshi aınalymǵa ótti
ASTANA. QazAqparat – Aleksandr Nedovesov pen Andreı Golýbev juptyq synda Aýstralııa ashyq chempıonatynyń ekinshi aınalymyna ótti, dep habarlaıdy QazAqparat tilshisi.
Qazaqstandyq tennısshiler bastapqy kezdesýin aýstralııalyqtar Deın Sýını – Lı Týmen ótkizdi.
A.Nedovesov pen A.Golýbev 6:0, 6:2 esebimen ońaı jeńdi. Bir saǵatqa jýyq ýaqytqa sozylǵan báseke barysynda olar 1 eıs jasap, 7 breık-poınttyń beseýin óz esebine jazdy.
Qazaqstandyq juptyń ekinshi aınalymdaǵy qarsylastary keıin anyqtalady.
Taǵy bir qazaqstandyq Aleksandr Býblık Melbýrnmen qosh aıtysty. Ol aýstralııalyq Djon-Patrık Smıtpen birge osy «Úlken dýlyǵa» týrnıriniń birinshi raketkalary, nıderlandylyq Ýeslı Kolhof – Nıl Skýpskıge jol berdi – 1:6, 2:6.
Anna Danılına men Aleksandr Nedovesov mıkste baq synaıdy. Olar kolýmbııalyq Hýan Sebastıan Kabal – frantsııalyq Krıstına Mladenovıchpen oınaıdy.
Eske sala keteıik, budan buryn Aýstralııa chempıonatynda Elena Rybakınanyń úshinshi aınalymǵa shyqqanyn jazǵan edik.
Foto – Qazaqstan tennıs federatsııasy.
