Australian Open-2023 fınalyna shyqqan Elena Rybakına $1 mln astam tabys tapty

ASTANA. QazAqparat – Aýstralııa ashyq chempıonatynyń fınalyna shyqqan Qazaqstannyń birinshi raketkasy Elena Rybakına 1 mln astam AQSh dollary kóleminde tabys tapty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, jekeleı synda fınalǵa shyqqan oıynshyǵa 1,12 mln dollar beriledi.

Fınalda jeńgen tennısshige 2,05 mln dollar tıedi.

E. Rybakınanyń juptyq synda reseılik Anastasııa Pavlıýchenkovamen birge 1/8 fınalǵa jetkeni belgili. Bul úshin ekeýine 47 myń dollar teń bólinedi. Sonda árqaısysyna 23 500 dollardan tıedi.

Bárin eseptegende, qazaqstandyq tennısshi qazirdiń ózinde 1 mln 143,5 myń dollar kóleminde tabys taýyp otyr.

Eske sala keteıik, budan buryn Aýstralııa ashyq chempıonatynda Elena Rybakınanyń fınalǵa joldama úshin talasatynyn jazǵan bolatynbyz.

Sondaı-aq, qazaqstandyq tennısshiler Úndistandaǵy týrnırdiń shırek fınalyna shyqty.

Elena Rybakına alǵash ret Aýstralııa chempıonatynyń fınalyna shyqty.

Foto: Qazaqstan tennıs federatsııasy