Australian Open-2023: Elena Rybakına úshinshi aınalymǵa shyqty

ASTANA. QazAqparat – Qazaqstannyń birinshi, álemniń 25-raketkasy Elena Rybakına Aýstralııa ashyq chempıonatynyń úshinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi «Úlken dýlyǵa» týrnıriniń ekinshi aınalymynda dúnıejúzilik reıtıngte 104-orynda turǵan slovenııalyq Kaııa Iývanmen kezdesti.

Birinshi partııada qazaqstandyq sportshy óz sheberliginiń áldeqaıda basym ekendigin kórsetti – 6:2. Ekinshi sette de birden alǵa ketip, qarsylasyna esh múmkindik bergen joq – 6:1.

Báseke barysynda Elena 5 eıs jasap, 8 breık-poınttyń teń jartysyn paıdalandy.

E.Rybakına tórtinshi aınalymǵa shyǵý úshin álemniń 11-raketkasy, amerıkalyq Danıel Kollınz nemese reıtıngte 133-satydaǵy chehııalyq Karolına Mýhovanyń bireýimen talasady. E.Rybakına jýyrda D.Kollınzdi Adelaıdada 5:7, 6:2, 6:3 esebimen utqan edi.

Eske sala keteıik, budan buryn Aýstralııa ashyq chempıonatynda ıÝlııa Pýtıntsevanyń ekinshi aınalymǵa shyqqanyn jazǵan edik.

Foto: ktf.kz