Australian Open-2023: Aleksandr Býblık jarys jolynan shyǵyp qaldy
Qazaqstandyq tennısshi bastapqy kezdesýin reıtıngte ózinen tórt saty joǵary turǵan ıspanııalyq Alehandro Davıdovıch-Fokınamen ótkizdi.
Birinshi partııada úsh breık jasaǵan ıspanııalyq sportshy 6:0 esebimen utty.
Ekinshisinde Aleksandr Býblık taı-breıkte ese qaıyrdy - 7:6 (7:3).
Úshinshisinde Býblık alǵa shyqty - 6:3. Alaıda qalǵan eki sette ıspanııalyq tennısshiniń basymdylyǵy baıqaldy - 6:4, 6:3.
Úsh saǵat 15 mınýtqa sozylǵan tartysty báseke barysynda Býblık 20 eıs jasap, 6 breık-poınttyń ekeýin paıdalandy. Áıtse de 20 eıs te kómektespedi. Qarsylasy 7 eıs, 6 breıkpen kózge tústi.
Ótken jyly A.Býblık Aýstralııa ashyq chempıonatynyń ekinshi aınalymyna deıin jetken edi.
Eske sala keteıik, budan buryn Elena Rybakınanyń Aýstralııa ashyq chempıonatyn jeńispen bastaǵanyn jazǵan bolatynbyz.
Sondaı-aq Elena Rybakına úzdik óner kórsetýde.
Foto: ktf.kz
