Australian Open-2016. Angelıka Kerber Serena Ýılıamsty jeńdi
ASTANA. QazAqparat - 28 jastaǵy germanııalyq tennısshi Angelıka Kerber karerasynda alǵash ret Grand Slam jarysyn utyp otyr.
Ol Avstralııa ashyq chempıonatynyń fınalynda álemniń 1-raketasy amerıkalyq Serena Ýılıamsty jeńdi - 6:4, 3:6, 6:4. Kerber shırek fınalda belarýs Vıktorııa Azarenkony, jartylaı fınalda brıtanııalyq Djoanna Kontany jeńgen.
Kerber - 1999 jyldan beri Úlken Shlem jarysyn utqan alǵashqy nemis tennısshisi. 1999 jyly germanııalyq Shteffı Graf Rollan Garros jarysyn utqan. Al jalpy Kerber 2011 jyly US Open, 2012 jyly Ýımbldon jarysynyń jartylaı fınalyna deıin jetken.
Serena Ýılıams bul jarysty 2015 jyly utqan jáne Avstralııa ashyq chempıonatynyń fınalyna jetinshi ret shyǵyp otyr.
Kerber Avstralııa ashyq chempıonaty aldynda álemdik reıtıngte 7-orynda turǵan. Búgingi jeńisinen keıin ol álemdik reıtıngte 2-orynǵa shyǵady, dep jazady «Alaman» portaly.
