Aýrýhanalarǵa eń qajetti medıtsınalyq apparattar quny tómendetildi
ASTANA. QazAqparat - El aýrýhanalaryn tegin dári-dármekpen qamtamasyz etý maqsatynda otandyq óndiristen talap etiletin gemodıalızge arnalǵan kontsentratsııalanǵan eritindini jetkizý quny 12% - ǵa tómendedi, dep habarlaıdy QR Densaýlyq saqtaý mınıstrliginiń baspasóz qyzmeti.
Biryńǵaı dıstrıbıýtor arqyly jetkizý úshin 1 tamyzdan bastap baǵany tómendetý jónindegi sheshimdi qazaqstandyq farmóndirýshi qabyldady, onymen biryńǵaı dıstrıbıýtor uzaq merzimdi shart negizinde birneshe jyl kóleminde yntymaqtastyqta.
Jyl saıyn Biryńǵaı dıstrıbıýtor arqyly gemodıalızge arnalǵan eritindini satyp alý qazaqstandyq naýqastar úshin qymbattap barady. Biryńǵaı dıstrıbıýtordyń satyp alý kóleminiń ósýi arqasynda kompanııa tipti bul ónimge baǵany 12% -dan artyq tómendete aldy.
Kepildendirilgen memlekettik tapsyrys otandyq óndiristi damytý úshin eń kúshti oń áserin tıgizetin faktor, ol bizge sheteldik óndirister naryǵynda básekege qabilettilikte tózimdilik tanytýǵa kómektesedi. Bul rette kompanııa ónimi únemi qaýipsizdigi men sapasyn baǵalaýdan ótip turady jáne árqashan barlyq normatıvtik standarttarǵa saı keledi.
Dárilik zattar jáne medıtsınalyq buıymdar satyp alý boıynsha Biryńǵaı dıstrıbıýtordyń Basqarma tóraǵasy Maksım Kasatkınniń aıtýynsha, mundaı bıznestiń áleýmettik jaýapkershiliginiń kórinisi, ıaǵnı satyp alý baǵasynyń tómendeýi otandyq óndirýshiniń óz bastamasy boıynsha júrýi jıi ótkizilmeıdi. Ónim qunynyń tómendeýinen únemdelgen bul qarajat aýrýhana bıýdjetinde qalyp, keıin qosymsha dári-dármek satyp alýǵa qaıta bóliný múmkindigin atap ótken jón. «Ónim berýshi tarapynan mundaı qadam - aýrýhanalar úshin tegin emdelip shyqqan naýqastardyń sanyn kóbeıtýge múmkindik. Olardyń isi basqa kompanııalarǵa da úlgi bolady dep úmittenemin», - dep qosty Maksım Kasatkın.
Aıta keteıik, farmatsevtıkalyq salany jáne otandyq óndiristi damytýdy yntalandyrý úshin qazirgi tańda Biryńǵaı dıstrıbıýtormen 553 dárilik zattardyń ataýlaryna jáne 213 medıtsınalyq maqsattaǵy buıymdardyń ataýlaryna 30 uzaq merzimdi jetkizý sharttary jasaldy. Otandyq farmatsevtıkalyq óndirýshiler qazirdiń ózinde osy sharttar sheńberinde 137 dári-dármek ataýy jáne 152 medbuıymdar ataýyna qatysty jetkizýdi jemisti atqardy. Al 26 tamyzda osyndaı uzaq merzimdi sharttar jasasýdyń taǵy bir baıqaýynyń qorytyndysy jasaldy. Mundaı sharttar birneshe jyl boıy otandyq farmatsevtıkalyq óndirýshilerdi memlekettik tapsyryspen, ıaǵnı olardyń ónimderi úshin kepildendirilgen ótkizý naryǵymen qamtamasyz etedi. Al bul óz kezeginde óz óndirisin senimdi túrde josparlap qana qoımaı, salaǵa eleýli ınvestıtsııalar tartý múmkindigin beredi.
