Aýrýhanalardy dárilik zattarmen úzdiksiz qamtý Úkimettiń erekshe baqylaýynda - mınıstr

NUR-SULTAN. QazAqparat - Aýrýhanalardy dárilik zattarmen úzdiksiz qamtý Úkimettiń erekshe baqylaýynda tur. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Elimizdiń medıtsınalyq uıymdaryn dárilik zattarmen úzdiksiz qamtý máselesi Úkimettiń erekshe baqylaýynda tur. Koronavırýs ınfektsısynyń oryn alýy múmkin jańa tolqynyna daıyndyq aıasynda dári-dármekpen qamtamasyz etý salasynda birqatar shara qabyldandy. Aldymen, COVID-19 boıynsha dárilik zattardyń eki aıǵa jetetin qory jasaqtaldy. Atap aıtqanda, koronavırýs ınfektsııasyn juqtyrǵan patsıentter sany aıyna 60 myńǵa jetken jaǵdaıda statsıonarlardy daıyndaý aıasynda dárilik zattardyń 44 ataýy satyp alynyp jatyr. Qazirgi ýaqytta COVID-19-ǵa arnalǵan 44 dárilik zat ataýynyń 41-i satyp alyndy», - dedi mınıstr IX Azamattyq forým aıasynda úkimettik emes uıymdar ókilderimen kezdesýi barysynda.

Sonymen qatar ol elimizdiń barlyq medıtsınalyq uıymdarynda únemi tolyqtyrylyp otyratyn aılyq qor jasaqtaý jumystary júrgizilip jatqanyn basa aıtty.

«Osyǵan oraı Biryńǵaı destrıbıýter («SQ-Farmatsııa») jalpy somasy 21 mlrd teńgeni quraıtyn 91 dári ataýyn jóneltti», - dedi Alekseı Tsoı.