Aýrýhanalardaǵy oryn 60 paıyzǵa bosady – Densaýlyq mınıstrligi
«Karantınniń 5 aptasynda, osy shilde aıynyń basynan beri aýrýhanalardaǵy oryndar 60 paıyzǵa bosady. Onyń ishinde jansaqtaý saqtaý bólimindegi oryndar 58 paıyzǵa deıin bosap otyr. Jedel járdemge habarlasý aıtarlyqtaı azaıdy, KVI boıynsha 68 paıyzǵa tómendedi. Qabyldanǵan keshendi sharalardyń nátıjesinde jazylyp shyqqan naýqastardyń sany 73 paıyzǵa ósti», - dedi resmı ókil Ortalyq kommýnıkatsııalar qyzmetinde.
Budan bólek ol basqa aýralardan bolatyn ólim-jitim jaǵdaıy boıynsha málimetterdi aıtty.
«Jalpy, Qazaqstanda aýrý túrleri men ólim-jitim kórsetkishi byltyrǵy jylmen salystyrǵanda oń nátıjeli bolyp otyr. Qýanyshtysy - bala týý kórsetkishiniń ósimi de baıqalyp otyr jáne kerisinshi, nárestelerdiń ólimi 13,3 paıyzǵa tómendegen. Taǵy bir jaǵymdy jańalyq, Qazaqstanda týberkýlezdan bolatyn ólim 20 paıyzǵa deıin azaıǵan», - dedi Baǵdat Qojahmetov.