Aýrýhanalarda dárigerlerge syılyqtar berýge tyıym salynady
«2017 jylmen salystyrǵanda, bıyl jaǵymsyz faktileriniń tómendeý tendentsııasy bar. Máselen, 2017 jyly Mınıstrliktiń Qoǵamdyq densaýlyq saqtaý jáne Farmatsııa komıtetteriniń memlekettik qyzmetshilerine ádep qaǵıdalaryn buzǵany úshin 18 jáne memlekettik qyzmettiń bedeline nuqsan keltirgeni úshin 21 tártiptik jaza qoldanyldy. Al bıylǵy 7 aıda ádep qaǵıdalaryn buzǵany úshin 4 jáne memlekettik qyzmettiń bedeline teris áser etkeni úshin 1 tártiptik jaza bar»,- dep atap ótti QR DSM basshysy Eljan Birtanov.
Óz kezeginde Memlekettik qyzmet isteri jáne sybaılas jemqorlyqqa qarsy is-qımyl agenttigi Alık Shpekbaev búgingi tańda adamı kapıtaldyń mańyzdy faktory úzdik densaýlyq saqtaý isi jáne deni saý ult bolyp tabylatynyn atap ótti. Soǵan baılanysty, medıtsınalyq qyzmetterdi kórsetý sapasyn arttyrý, densaýlyq saqtaý salasynda sybaılas jemqorlyq kórinisterine jol bermeý eldiń básekege qabilettiliginiń negizgi faktorlarynyń biri.
Atap aıtqanda, vedomstvolardyń arasyndaǵy ózara is-qımyl eldegi jáne álemdegi sybaılas jemqorlyqtyń jaı-kúıi týraly aqparattar almasý, densaýlyq saqtaý uıymdarynda sybaılas jemqorlyq táýekelderiniń syrtqy jáne ishki taldaýlaryn júrgizý, sondaı-aq birlesken jobalardy, aktsııalardy, semınarlar men keńesterdi ótkizý arqyly júzege asyrylatyn bolady.
Sonymen qatar, memorandýmǵa qol qoıýdyń erekshe ózektiligi men qajettiligi júrgizilip jatqan áleýmettik medıtsınalyq saqtandyrýdy engizý jónindegi reformaǵa, dárilik zattardy satý kezinde bólý jáne baǵalyq retteý salasyndaǵy reformaǵa da baılanysty.
Memorandýmǵa sáıkes, densaýlyq saqtaý uıymdaryndaǵy «turmystyq sybaılas jemqorlyqqa» yqpal etetin sebepter men jaǵdaılardy joıý sharalary iske asyrylmaq. Bul turǵyda qatardaǵy medıtsına qyzmetkerleriniń kórsetken medıtsınalyq qyzmetteri úshin materıaldyq jáne materıaldyq emes alǵystar alý dástúrin joıý boıynsha sharalar qabyldanatyn bolady.