«Aýrýhanalar koronavırýs juqtyrǵan balalarǵa 3,5 myń kereýet satyp alýda» - feık
NUR-SULTAN. QazAqparat - Áleýmettik jelide koronavırýstyń «omıkron» shtamyn juqtyrǵan naýqastar úshin Qazaqstan aýrýhanalary 3500 balalar kereýetin satyp alyp jatqany jazylýda, dep habarlaıdy QazAqparat.
Stopfake.kz saıty QR Densaýlyq saqtaý mınıstrligine silteme jasap jazýynsha, bul málimet shyndyqqa janaspaıdy.
«Bul – jalǵan aqparat. Búgingi tańda COVID-19 juqtyrǵan balalarǵa arnalǵan tósek-orynmen qamtý 23% quraıdy, bul QR boıynsha ortasha kórsetkish», – dedi vedomstvodan.
Demek, naýqastanǵan balalar sany artý yqtımaldyǵyna baılanysty aýrýhanalarda tósek-oryn qory 3500 birlikke ulǵaıtylady degen habarlamalar – feık.
