Aýrýhanaǵa qyzdy alyp bara jatqan kólikti soqqan «Kamaz» júrgizýshisi aıyppul tóleıdi
ASTANA. QazAqparat - Salonynda terezesinen túsip qalǵan qyz ben onyń ata-anasy bolǵan «Toıota» kóligin soqqan «Kamaz» júrgizýshisi ákimshilik jaýapqa tartylady. Bul týraly Astana qalalyq ІІD baspasóz qyzmeti habarlady.
«Toıota» markaly avtokólikpen soqtyǵysýǵa jol bergen «Kamaz» avtokóliginiń júrgizýshisi ákimshilik jaýapqa tartylady. QR ÁK 610-baby «Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵy» boıynsha hattama toltyryldy», - dep habarlady ІІD-de.
Zardap shekken búldirshin qyzǵa qatysty saraptama taǵaıyndaldy, tergeý júrgizilip jatyr. «Kamaz» júrgizýshisiniń kinási dáleldense, oǵan 10 AEK kóleminde aıyppul salynady. Júrgizýshige qatysty naqty sheshim saraptama nátıjesinen keıin shyǵarylady. Alaıda, ІІD atap ótkendeı, barlyǵy qyzdyń densaýlyǵyna baılanysty.
«Búldirshinniń ata-anasy ózderiniń abaısyzdyǵy saldarynan qyzdaryn túsirip alǵandyǵy týraly shaǵym jazǵan», - dep habarlady Astana qalalyq ІІD baspasóz qyzmeti.
Eske salaıyq, Astanada búldirshin qyz úshinshi qabattyń terezesinen qulap ketken . Ata-anasy qyzdy aýrýhanaǵa alyp bara jatqan jolda jol-kólik apatyna tap bolyp, olardyń mashınasyn «Kamaz» kóligi soqqan.
