Aýrýhanadaǵy qabyldaý bóliminde hali nashar naýqastarǵa arnalǵan bólme bolýy kerek - maman
TÚRKІSTAN. QazAqparat - Elimizdegi shuǵyl medıtsınalyq kómek kórsetýdi jaqsartý týraly halyqaralyq sarapshylar tobynyń tóraǵasy Kevın Frık túrkistandyq aq halattylarmen júzdesti. Kanadalyq maman oblystyq klınıkalyq arýhana bazasynda ótken sheberlik synybynda jedel járdem qyzmeti jáne qabyldaý bólimin jetildirý joldaryn úıretti, dep habarlaıdy QazAqparat tilshisi.
«KazMedConsult» kompanııasynyń dırektory oblystaǵy dárigerler men medıtsınalyq mekemelerdiń jańartylǵan shuǵyl medıtsınalyq kómek kórsetýge ótýge daıyn ekenin atap ótti. Ol elimizde 103 qyzmetin kórsetý sapasy burynǵydan arta túskenine toqtaldy. Al, oblystaǵy jedel járdem kólikteriniń sarǵysh túske boıalýy - alǵashqy kómek qyzmetiniń jetý ýaqytyn qysqartýǵa septigin tıgizip jatqanyn jetkizdi.
«Endigi maqsat - qabyldaý bóliminiń jumysyn jaqsartý. Jedel járdemmen qabyldaý bólimine kelip túsken naýqastyń jaǵdaıy aldymen iriktelýi qajet. ıAǵnı, qaı patsıentke birinshi kezekte kómek kórsetý kerektigin anyqtap alǵan jón. Shuǵyl túrde medıtsınalyq kómek kórsetilýi tıis naýqastarǵa arnaıy jabdyqtalǵan bólme bolǵany durys. ıAǵnı, ómirine asa qatty qaýip tónbegen emdelýshiler men aýyr naýqastarǵa aralas qyzmet kórsetilmeýi kerek. Qazaqstanda qolǵa alynǵan jańa pılotty joba boıynsha, endi qabyldaý bólimderinde naýqastardy tekseretin arnaıy bólme jáne jaýapty dáriger bolady»,- deıdi Kevın Frık.
Medıtsına salasynda 30 jyldyq tájirıbesi bar Kevın Frık sondaı-aq oblystyq klınıkalyq aýrýhanany aralap kórip, naýqastarmen suhbattasty. Emdeý klınıkasynyń qazirgi qyzmetine oń baǵasyn berdi. Ol munda jedel járdem qyzmet kórsetý modelin jańǵyrtýǵa tolyq múmkindik bar ekenin erekshe atap ótti.
Aıta keteıik, túrkistandyq dárigerler úshin mundaı sheberlik sabaǵy jańa múmkindikterge jol ashady. Óıtkeni aldaǵy kezde «qabyldaý bólimi» endi jedel járdem bólimshesi bolyp ózgertiledi. Mamandardyń aıtýynsha bul ataý óz qyzmetine saı keledi. Jospar boıynsha, bólimsheniń tek ataýy ǵana emes, ondaǵy qyzmet te jańasha úlgide kórsetilmek.
