Aýrý juqtyratyn mandarınder týraly aýdıojazba jalǵan bolyp shyqty
«Atalǵan aqparat shyndyqqa sáıkes kelmeıdi. Tumaý - bul jiti respıratorlyq vırýstyq ınfektsııalar (JRVI) tobyna kiretin tumaý vırýsy týdyratyn aýrý. Infektsııanyń kózi naýqas adam bolyp tabylady. Aýrý túshkirý, jótelý, murynnyń bitelýi kezinde aýa-tamshy jolymen juǵady. Aýrý taǵam arqyly berilmeıdi. Tamaq ónimderi, onyń ishinde mandarın tumaýdyń kózi jáne onyń berilý faktory bolyp tabylmaıdy, osyǵan oraı ony paıdalaný JRVI jáne tumaýmen syrqattanýdyń sebebi bolýy múmkin emes», delingen habarlamada.
Ondaǵy málimetter boıynsha, Respýblıkada JRVI-men syrqattaný maýsymdyq deńgeıde saqtalayp otyr. Epıdemııalyq maýsym bastalǵannan beri respýblıkada 200 myńnan astam JRVI jáne tumaý jaǵdaıy, onyń ishinde 489 tumaý jaǵdaıy tirkelgen, 6319 JRVI jaǵdaıy sońǵy úsh kúnde tirkelgen.
JRVI-men syrqattanǵan adamdardyń negizgi bóligin 14 jasqa (66,2 %) deıingi balalar quraıdy, júkti áıelder - 3,5 %. Aǵymdaǵy epıdemııalyq maýsymda A (N3) jáne V tıpti tumaý vırýstarynyń erte aınalymy baıqalýda.
Sondaı-aq, JRVI-men syrqattanýshylyq RS vırýs, adenovırýs, rınovırýs, bokavırýs, paragrıpp, metapnevmovırýs jáne basqalary sııaqty tumaý etıologııasyna jatpaıtyn vırýstarmen baılanysty. JRVI jáne tumaýmen syrqattanýshylyqty tómendetý maqsatynda respýblıkada naqty jumystar atqarylýda. Epıdemııaǵa qarsy shuǵyl sharalardy qabyldaý maqsatynda 1 jeltoqsannan bastap QR halqynyń JRVI jáne tumaýmen syrqattaný jaǵdaıyna jáne Qazaqstan men sheteldegi tumaý vırýsynyń aınalymyna kúndelikti monıtorıng júrgizilýde.
Óńirlerdegi vırýsologııalyq zerthanalar tumaýǵa jáne basqa da respıratorlyq ınfektsııalarǵa zertteý júrgizý úshin qajetti reagenttermen, shyǵys materıaldarymen qamtamasyz etilgen.
