Aýrý saldarynan qozǵalysy shektelgen balalarǵa qajetti quraldar ýaqytsha beriledi
ASTANA. KAZINFORM – Aýrýǵa shaldyǵý saldarynan qozǵalys fýnktsııalary ýaqytsha shektelgen balalarǵa tehnıkalyq kómekshi (kompensatorlyq) quraldar men arnaýly júrip-turý quraldaryn berý qaǵıdalary bekitiledi. Qujat ashyq normatıvtik-quqyqtyq aktiler portalynda jarııalandy.
Densaýlyq saqtaý mınıstrliginiń málimetinshe, tıisti qaǵıdalar kúshine engennen keıin qozǵalys fýnktsııalary ýaqytsha shektelgen balalar qajetti quraldardy – kreslo-arbalardy, baldaqtardy, júrgishterdi, taıaqtardy, tirekter men tutqalardy ýaqytsha paıdalanýǵa ala alady.
Balalardy atalǵan quraldarmen qamtamasyz etý olardyń tirkelgen jeri boıynsha medıtsınalyq-sanıtarııalyq alǵashqy kómek uıymdary arqyly júzege asyrylady.
Jańa shara balalardy ońalý kezeńinde qajetti qozǵalys jáne tirek quraldarymen ýaqtyly qamtamasyz etýge múmkindik beredi. Bul keshendi kómektiń qoljetimdiligin arttyryp, tirshilik-tynysynyń turaqty shektelýi men múgedektiktiń damý qaýpin tómendetýge yqpal etedi.
Qujat 16 qazanǵa deıin qoǵamdyq talqylaýǵa shyrǵalǵan.
Aıta keteıik, Jambyl oblysynda jarty jyl ishinde 434 balaǵa alǵash ret múgedektik belgilendi.
