Aureos Central Asia tikeleı ınvestıtsııalaý qory
ALMATY. 5 qazan. QazAqparat /Erlik Erjanuly/ - Aureos Central Asia tikeleı ınvestıtsııalaý qory qazaqstandyq lak-boıaý ónimderin óndirýshi "Derjava" korporatsııasynyń aktsııalar toptamasynyń 49 paıyzyn satyp aldy.
Bul turaly taraptar búgin Almatyda ótkizgen baspasóz máslıhatynda málimdedi.
Aureos Central Asia tikeleı ınvestıtsııalaý qorynyń basqarýshy seriktesi Talǵat Kókenovtyń aıtýynsha, bul mámile shilde aıynda jasalǵan. Qordyń ınvestıtsııalary kompanııanyń aınalym kapıtalyn toltyrýǵa jáne óndiristi damytýǵa jumsalady. Strategııalyq emes ınvestıtsııalyq ınvestor bolǵandyqtan qor basqarý isine aralaspaıdy jáne kelisim boıynsha aldaǵy 3-5bes jyldyń ishinde korporatsııanyń aktsııalar toptamasyna qaıta shyǵady.
"Bizdiń óndiris kirisindegi úlesimiz 49 paıyz bolady. Qazir mámileniń jalpy somasyn aıta almaımyz. Óıtkeni bizdiń lımıt 2-10 mıllıon dollardyń aralyǵynda. Sondyqtan óndiris úderisi kezinde qosymsha ınvestıtsııalar jasalýy múmkin", - deıdi T. Kókenov.
