Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalary bekitildi

***

Qazaqstan Respýblıkasynyń 2003 jylǵy 20 maýsymdaǵy Jer kodeksiniń 13-babyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan aýmaqtyk sýlar alyp jatqan jer ýchaskelerin jasandy ǵımarattar salý úshin berý qaǵıdalary bekitilsin.

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

 Qazaqstan Respýblıkasynyń

Premer-Mınıstri K.MÁSІMOV.

  Qazaqstan Respýblıkasy Úkimetiniń 2011 jylǵy «1» jeltoqsandaǵy №1419 qaýlysymen bekitilgen

  Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalaryn bekitý týraly

 1. Jalpy erejeler

 1. Osy Qaǵıdalar Qazaqstan Respýblıkasynyń Jer kodeksiniń 13-babyna sáıkes ázirlendi jáne aýmaqtyq jáne ishki sýlar alyp jatqan jer ýchaskelerin (budan ári - jer ýchaskesi) jasandy ǵımarattardy salý úshin berý tártibin belgileıdi.

2. Osy Qaǵıdalarda mynandaı uǵymdar paıdalanylady:

1) ýákiletti organ - tıisti oblystyń jergilikti atqarýshy organynyń tabıǵatty paıdalaný salasyndaǵy qurylymdyq bólimshe;

2) jasandy ǵımarat - topyraqty shaıý nemese topyraq salý jumystaryn nemese ózge tehnologııalardy paıdalana otyryp, júrgiziletin jumystar arqyly jasalǵan, kúrdeli qurylys obektileri ornalasqan sý betindegi jaılaq obekt;

3) tapsyrys berýshi - Qazaqstan Respýblıkasy munaı-gaz sektoryn damytýǵa qatysty máseleler boıynsha memlekettik baǵdarlamany iske asyrý jónindegi is-sharalar josparyna engizilgen, teńizde jasandy ǵımarattardy jasaýshy zańdy nemese jeke tulǵa.

3. Jer ýchaskeleri beriletin jasandy ǵımarattarǵa: aılaq, pırs, tolqyn tospasy, mol, ellıng, dok, slıp, sý jınaý, sý retteýshi jáne sý qorǵaýshy qurylystar, keme jáne keme jóndeý qurylysy zaýyty (verf), teńiz metall konstrýktsııalaryn daıyndaý zaýyty, burǵylaý eritindilerin jasaý zaýyty, teńiz munaı operatsııalaryn súıemeldeýdiń jaǵalyq bazasy, munaıdyń tógilýine áser etý bazasy, teńiz kemelerine maı kuıý stantsııasy, munaı ónimderin aýystyryp quıý termınal, qubyrlardy betondaý zaýyty, sý túbin tereńdetý flotyn tehnıkalyq súıemeldeý bazasy, suıytylǵan gaz termınaly men port flotynyń bazasy jatady.

4. jasandy ǵımarattardy salý úshin jer ýchaskeleri 49 jyl merzimge deıingi merzimde ýaqytsha óteýli jer paıdalanýǵa (jalǵa) beriledi.

                                                  2. Jasandy ǵımarattardy salý úshin jer ýchaskelerin berý

 5. Jasandy ǵımarattardy salý úshin jer ýchaskelerin berýdi Qazaqstan Respýblıkasy Aýyl sharýashylyǵy mınıstrligi Sý resýrstary komıtetiniń sý resýrstaryn paıdalanýdy retteý jáne qorǵaý jónindegi tıisti basseındik ınspektsııasymen kelisim boıynsha Atyraý jáne Mańǵystaý oblystarynyń jergilikti atqarýshy organdary júzege asyrady. Kaspıı teńizindegi Qazaqstan Respýblıkasynyń aýmaqtyq jáne ishki sýlar shegindegi oblystardyń shekaralary oblystardyń Kaspıı teńizi jaǵalaýy qurlyǵyndaǵy ákimshilik shekaralarynyń túıisken núktesin eskere otyryp, soltústik endiktiń 46 gradýs syzyǵyna parallel syzyq retinde anyqtalady.

6. Jasandy ǵımarattardy salý úshin jer ýchaskelerin berý mynandaı tártipte júrgiziledi:

1) jer ýchaskesine ýaqytsha óteýli jer paıdalaný (jaldaý) quqyǵyn berý týraly ótinishti qaraýǵa qabyldaý;

2) jer ýchaskesin aldyn ala tańdaý;

3) tıisti jergilikti atqarýshy organdar quratyn komıssııanyń jer ýchaskesin berý týraly qorytyndysyn daıyndaý;

4) jerge ornalastyrý jobasyn ázirleý jáne bekitý;

5) oblystyń jergilikti atqarýshy organynyń jer ýchaskesine ýaqytsha óteýli jer paıdalaný (jaldaý) quqyǵyn berý týraly sheshimin qabyldaýy;

6) jer ýchaskesin ýaqytsha óteýli paıdalaný (jaldaý) týraly shart jasasý;

7) jer ýchaskesine sáıkestendirý qujatyn daıyndaý jáne berý.

7. Jer ýchaskesine jer paıdalaný quqyǵyn berýge múddeli tapsyrys berýshiler suralyp otyrǵan jer ýchaskesiniń ornalasqan jeri boıynsha oblystyń tıisti jergilikti atqarýshy organyna ótinish beredi.

8. Ótinishte: jer ýchaskesiniń nysanaly maqsaty; onyń boljamdy mólsheri; ornalasqan jeri, suralyp otyrǵan paıdalaný quqyǵy kórsetilýi tıis.

9. Ótinishke:

1) zańdy tulǵany tirkeý (qaıta tirkeý) týraly kýáliktiń kóshirmesi (salystyrýyn tekserý úshin túpnusqasy berilmegen jaǵdaıda qujattyń notarıaldy rastalǵan kóshirmesi);

2) salyq tóleýshi kýáliginiń kóshirmesi (salystyrýyn tekserý úshin túpnusqasy berilmegen jaǵdaıda qujattyń notarıaldy rastalǵan kóshirmesi);

3) zańdy tulǵa jarǵysynyń kóshirmesi (salystyrýyn tekserý úshin túpnusqasy berilmegen jaǵdaıda qujattyń notarıaldy rastalǵan kóshirmesi) qosa beriledi.

10. Tapsyrys berýshiniń ótinishi túsken kezden bastap úsh jumys kúni ishinde qosa berilgen qujattary bar ótinish jasandy ǵımarattar ornalasqan jerin aldyn ala tańdaýdy uıymdastyrý úshin ýákiletti organǵa túsedi.

11. Jasandy ǵımarattardy salý úshin jer ýchaskesin berý týraly ótinishti qaraýdyń jalpy merzimi ótinish túsken sátinen bastap eki aıǵa deıingi ýaqytty quraıdy.

Atalǵan merzimge:

1) Qazaqstan Respýblıkasy Jer kodeksiniń 44-babynyń 3-tarmaǵyna sáıkes daıyndalatyn jerge ornalastyrý jobasyn jasaý,

2) Qazaqstan Respýblıkasy Jer kodeksiniń 44-babynyń 6-tarmaǵyna sáıkes kelisý kezeńderi kirmeıdi.

12. Jasandy ǵımaratty ornalastyratyn oryndy aldyn ala tańdaý qosa berilgen qujattary bar ótinish túsken kúnnen bastap on jumys kúni ishinde júzege asyrylady.

Jasandy ǵımarattyń ornalastyratyn ornyn aldyn ala tańdaý jer ýchaskesin tańdaý týraly aktimen úsh danada rásimdeledi. Jer ýchaskesin tańdaý aktisinde burylý núkteleriniń geografııalyq koordınattary kórsetile otyryp jer ýchaskesiniń ornalasqan jeriniń sıpattamasy, sondaı-aq jer ýchaskesiniń kólemi kórsetiledi.

13. Ýákiletti organ jer ýchaskesin tańdaý akti rásimdegen kúnnen bastap eki jumys kúni ishinde ony Qazaqstan Respýblıkasy Ulttyq kaýipsizdik komıtetiniń Shekara qyzmetiniń ortalyq apparatyna kelisýge jiberedi.

Qazaqstan Respýblıkasy Ulttyq qaýipsizdik komıtetiniń Shekara qyzmetiniń ortalyq apparaty jer ýchaskesin tańdaý týraly akti alǵan kúnnen bastap on jumys kúni ishinde ony qaraıdy jáne naqty jer ýchaskesin tańdaý aktisin nemese kelisý týraly dáleldi jaýaby bar hatty joldaıdy.

Ýákiletti organ Qazaqstan Respýblıkasy Ulttyq qaýipsizdik komıtetiniń Shekara qyzmetiniń ortalyq apparatynyń hatyn alǵan kúnnen bastap eki jumys kúni ishinde osy tarmaqta kórsetilgen hatty qosa berip, jer ýchaskesin tańdaý týraly akti tıisti oblystyń jergilikti atqarýshy organy jergilikti ókildi organnyń depýtattaryna, jer qatynastary salasyndaǵy, sáýlet, qala qurylysy jáne qurylys qyzmeti salasyndaǵy, kólik jáne kommýnıkatsııa salasyndaǵy, sý qoryn paıdalaný jáne qorǵaý salasyndaǵy, balyq resýrstaryn qorǵaý, ósimin molaıtý jáne qorǵaý salasyndaǵy, qorshagan ortany qorǵaý salasyndaǵy, kemelerdiń jáne obektilerde jumys júrgizýdiń qaýipsizdigi salasyndaǵy oblystyń, aýdannyń ýákiletti organdarynyń ókilderinen qurǵan tıisti komıssııaǵa kelisýge joldaıdy.

14. Osy Qaǵıdalardyń 13-tarmaǵynda kórsetilgen komıssııa negizdelgen oń nemese teris qorytyndy shyǵarady. Oń qorytyndy jasandy ǵımarattardy salý úshin jer ýchaskesin berýge negiz bolyp tabylady, al teris qorytyndy - jasandy ǵımarattardy salý úshin jer ýchaskesin berýden bas tartý úshin negiz bola alady.

15. Osy Qaǵıdalardyń 13-tarmaǵynda kórsetilgen komıssııanyń qorytyndysy jer ýchaskesin tańdaý týraly akt túsken kezden bastap bes jumys kúni ishinde hattamalyq sheshim nysanynda eki danada jasalady.

16. Hattamalyq sheshimge qol qoıylgannan keıin oń qorytyndysy bar hattamalyq sheshimniń bir danasy jerge ornalastyrý jobasyn ázirleý úshin úsh jumys kúni ishinde tapsyrys berýshige joldanady, ekinshi danasy ýákiletti organǵa tapsyrylady.

17. Quramynda beriletin jer ýchaskesiniń kólemi, onyn shekarasy men ornalaskan jeri, jer ýchaskesiniń janama ıeleri jáne jerdi paıdalanýshylar, sondaı-aq berilip otyrǵan jer ýchaskesiniń aýyrtpalyqtary men servıtýti naqtylanǵan jerge ornalastyrý jobasyn tapsyrys berýshi ýákiletti organǵa engizedi.

18. Jerge ornalastyrý jobasynyń negizinde ýákiletti organ ýaqytsha óteýli túrde jer ýchaskesin jasandy ǵımarattardy salý úshin paıdalanýǵa (jalǵa) berý týraly tıisti oblystyń atqarýshy organy sheshiminiń jobasyn ázirlep, bekitýge engizedi.

19. Oblystyń jergilikti atqarýshy organy jerge ornalastyrý jobasy túsken kezden bastap jeti jumys kúni ishinde jer ýchaskesin jasandy ǵımarattardy salý úshin ýaqytsha óteýli jer paıdalanýǵa (jalǵa) berý týraly sheshim qabyldaıdy.

20. Jasandy ǵımarattardy salý úshin jer ýchaskesin ýaqytsha jer paıdalanýǵa (jalǵa) berý týraly sheshim komıssııanyń oń qorytyndysy jáne jerge ornalastyrý jobasy negizinde qabyldanady.

21. Jasandy ǵımarattardy salý úshin jer ýchaskesin ýaqytsha jer paıdalanýǵa (jalǵa) berýden bas tartý týraly sheshim komıssııanyń teris qorytyndysy kelip túsken kezden bastap jeti jumys kúni ishinde qabyldanady.

22. Jer ýchaskesin berý nemese berýden bas tartý týraly sheshimniń kóshirmesi oǵan qol qoıylǵan kúnnen bastap bes jumys kúni ishinde joldanady.

23. Jer ýchaskesin berý týraly sheshim qabyldanǵannan keıin jer ýchaskesin ýaqytsha óteýli paıdalaný (jaldaý) týraly shart jasalynady.

24. Jer ýchaskesine sáıkestendirý qujatyn ázirleý jáne berý Qazaqstan Respýblıkasy Úkimetiniń 2010 jylǵy 17 aqpandaǵy №102 qaýlysymen bekitilgen «Ýaqytsha óteýli (uzaq merzimdi, qysqa merzimdi) jer paıdalaný (jaldaý) quqyǵyna aktiler resimdeý jáne berý» degen memlekettik qyzmet standartynyń 11-tarmaǵynda kórsetilgen qujattardy tapsyrǵan kezden bastap alty jumys kúni ishinde júzege asyrylady.

25. Jasandy ǵımarat jyljymaıtyn múlik obektisi bolyp tabylady jáne Qazaqstan Respýblıkasynyń zańnamasyna sáıkes memlekettik tirkeýte jatady.