«Áýlıeata» shógen klýby el birinshiliginde top jardy
ASTANA. QazAqparat - 4-6 tamyz aralyǵynda Almaty oblysy, Talǵar aýdanynyń «Aqbulaq» SSK-niń at sporty kesheninde shógennen Qazaqstan Respýblıkasynyń tuńǵysh chempıonaty ótkizildi.
Chempıonatqa Aqmola, Almaty, Qaraǵandy, Qostanaı, Ońtústik Qazaqstan obystyq shógen federatsııalarynyń, sondaı-aq «Áýlıeata» jáne «Astana Polo Club» klýbtarynyń komandalary qatysty.
Chempıonat tóreshiligin Argentınadan arnaıy shaqyrylǵan polo oıynynyń kásibı sheberi, bas tóreshi - Agýstın Palatsıýs basqaratyn tóreshiler alqasy júzege asyrdy.
Birinshiliktiń bas júldesi, 1 oryn - «Áýlıeata» shógen klýbyna buıyrdy, 2 orynda - «Astana Polo Club» shógen klýby, úshtikti Almaty oblysy shógen federatsııasy aıaqtaıdy.
Sonymen qatar, shógennen Qazaqstan Respýblıkasy tuńǵysh chempıonatynyń eń úzdik oıynshysy - Astana Polo Club komandasynyń oıynshysy Qurmanbek Turǵanbek jáne eń úzdik polo ponı - Kóksaraı bolyp tanyldy.
Chempıonattyń tartymdy sýretterin eldiń polo sporty saıtynan jáne tamashalaı alasyz.
