«Áýlıe ata jastary» baǵdarlamasymen 140 jas otbasy baspanaly boldy

ASTANA. KAZINFORM — Jambyl oblysynda jyl basynan beri 586,7 myń sharshy metr baspana paıdalanýǵa berildi. Bul týraly ákimi Erbol Qarashókeev agrarlyq saladaǵy basty jetistikterdi baıandady. 

Ákimniń aıtýynsha, óńirde turǵyn úı máselesi kezeń-kezeńimen sheshilip, jańa alaptar men shaǵyn aýdandar salynýda.

— 2 190 páterli 46 turǵyn úıdiń qurylysy júrip jatyr. Jyl sońyna deıin 1200 páterli 20 úıdi paıdalanýǵa berý josparlanyp otyr. Budan bólek, kópbalaly otbasylar men halyqtyń áleýmettik-osal toptary úshin 710 páter satyp alý josparlanǵan, — dedi Erbol Qarashókeev Ortalyq kommýnıkatsııalar qyzmetinde.

Sonymen birge, «Áýlıe ata jastary» baǵdarlamasy aıasynda 140 jas otbasy baspanamen qamtylǵan.

Aıta keteıik, Jambyl oblysynda bıznesti damytýǵa 32,5 myń kásipkerge 289,8 mlrd teńge nesıe berilgen.

Oblys Qazaqstandy strategııalyq mańyzy bar hımııa ónimderimen 100% qamtamasyz etip otyr.